Norway Cup: Får TV-kamp første dag

I år er første Norway Cup sidan 2019 og 50-årsjubileum for arrangøren, Bækkelaget SK.

Søndag går dei første kampane, laurdag er det opningsseremoni på Ekeberg med blant anna drilloppvising med HM Kongens Garde klokka 15 og opningskonsert klokka 18.

På Ekeberg ligg også fleire av dei i alt 89 banane som skal brukast dei komande dagane.

Os Fotball stiller med 8 lag, Nore Neset med 4 lag.

– Sidan det er lenge sidan førre store sommartuenring for ungdomslaga, fekk spelarane velja sjølv. Då blei det Norway Cup, fortel Martin Eidsvik frå Nore Neset il.

Nore Neset har blant anna reist til Dana Cup og Sør Cup fleire gongar, men ser også at det er praktisk å reisa saman med Os, når nokre spelarar har søsken i kvar sitt idrettslag.

– Det er kjekt at vi også bur saman, seier Ørjan Sandal, som tidlegare har leia Nore Neset/Os sitt jentelag til finale.

Reisefølgjet frå Os og Nore Neset er, som sist dei reiste, bestilt inn på Thon Oslofjord ved Kadettangen i Sandvika.

Os sine 8 lag
2 x Gutar 14
Jenter 14
2 x Gutar 15
Jenter 15
Gutar 16
Gutar 19

Nore Neset sine 4 lag
Gutar 15/16 (7-ar)
Gutar 16
2 x jenter 17 (Nore Neset/Os J17)

Av dei 12 laga er det 5 som møter internasjonal motstand i innleiande rundar.:

• Nore Neset G15/16 møter tyske FC Seenland Warin
• Nore Neset J17-1 møter italienske Acadamy Elite.
• Os G15-2 møter amerikanske Gjøa SC Brooklyn
• Os G16 møter islandske Throttur
• Os J15 møter også eit lag frå Throttur

Direktesport sender fleire kampar direkte.

Både Os og Nore Neset sine G16-lag får første kamp sendt direkte.

Begge kampane startar i 14-tida søndag.