Ny hjartestartar på Nore Neset
Søkte sanitetskvinnene om støtte. Då slo fem lag seg saman.
Etter opninga av nye Nore Neset Arena i september i fjor, sakna idrettslaget ein hjartestartar i nybygget.
Vibeke H. Haugland, som er knytt til arrangementskomiteen saman med Monica Bu Hesthamar kom med ein idé om å søkja sanitetsforeiningane i Os om støtte.
– Gleda var stor då Vibeke fekk svar at det skulle alle sanitetsforeiningane i Os gå saman om å skaffa, fortel Monica.
Disse foreiningene er Søre Neset, Søre Øyane, Lysefjorden , Os og Nore Neset.
– Dei er frå før flinke å støtta andre lag og organisasjonar, og kjenner til fleire hendingar i kommunen der hjartestartar har redda liv.
Nore Neset Folkepark har no til saman tre hjartestartarar, éin i Nore Neset Aktivitetshus, éin på idrettsbygget mellom kunstgrasbanane og no éin i nye Nore Neset Arena.
– Nore Neset Folkepark har husar høg aktivitet og har mange foreldre, besteforeldre og tilskodarar innom i løpet av året.
– Vi er glade for at vi no er endå betre rusta til å redda liv, om nokon skulle få problem.
