Litteratur | 12. mai 2024

#nynorskdagen i dag

139 år sidan landsmålet blei likestilt med dansk.

#nynorskdagen i dag
Del av Bjørnafjorden Mållag si diktløype på Osøyro. Nobelprisvinnar Jon Fosse er òg del av løypa. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 12. mai 2024 08:14

Tysdag 12. mai 1885 vedtok Stortinget å jamstille landsmål (seinare nynorsk) med dansk (seinare bokmål) gjennom «jamstillingsvedtaket». I dag er nynorsk eit nasjonalt språk som alle lærer i skulen.

– Målet vårt er å ufarleggjera det å skriva nynorsk for dei som sjeldan eller aldri gjer det, og å få sjå meir nynorsk rundt oss, særleg på plassar der me vanlegvis ikkje ser han, skriv Noregs Mållag.

Dei gler seg over at dei, i 2022 og 2023, såg nynorsk frå til dømes Rema 1000, Gjensidige og DNB.

Bjørnafjorden held seg på topp, som Noregs største nynorsk-kommune, ifølgje eit skjermbilde Bjørnafjorden Mållag sjølv delte på Facebook i vinter:

Mållaget kjem med oppmoding og råd til deg som vil markera dagen. I sosiale medium brukar dei sjølv emneknaggen #nynorskdagen, og dei spreier vidare dei beste innlegga frå andre i eigne kanalar.

I Os er det endå ein fin måte å markera dagen på. Gå diktløypa som Bjørnafjorden Mållag monterte på Osøyro i samband med sitt eige 100-årsjubileum.

Delar av styret, f.v.: Morten Holmefjord, Marie Lunde Bruarøy og Anne Solberg Andersson. (Foto: Kjetil Vasby Bruarøy)
Les ògMållaget har laga løype: No kan du snubla borti nynorsk

I 2020 var Os Mållag 100 år. Det same året følgde dei med på kommunesamanslåinga, og blei del av Bjørnafjorden Mållag.

– Å feira eller markera under pandemien, var vanskeleg. Me byrja å lufta andre idear, og tanken om ei diktløype blei tatt med vidare, sa styreleiar Marie Lunde Bruarøy under lanseringa av løypa.

I juni 2022 blei 16 dikt på kvar sine plakettar hengde opp ulikestadar i Os sentrum.

Her er andre tips til markering av dagen:

  • Skriv «Eg skriv nynorsk på #nynorskdagen» på X, Facebook, Snapchat eller Instagram.
  • Lik eller del nynorsk der du ser han.
  • Skriv nynorsk, les nynorsk, eller syng ein nynorsk song.
  • Kjøp ei vare på nynorsk.
  • Ønsk andre til lykke med nynorskdagen.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.