Avslørt av kamera etter ruteknusing

Onsdag i 11.30-tida fekk politiet melding om ein mann som skal ha knust ei rute på ein buss som sto parkert i Industrivegen.

– Det var noko uklare forhold, men framsto som at vedkomande hadde tatt seg inn i ein låst buss, fortel vakthavande ved Bjørnafjorden politistasjon.

Mannen gjekk frå staden, men var fanga av overvakingskamera.

Ein person som passa skildringa blei kontrollert i Os sentrum seinaresame dag.

– Han vedkjente seg ikkje handlingane. Vi ventar no på at busselskapet skal melda episoden.