Bjørnafjorden kommune har lekkasje på den største av to leidningar med råvatn frå Krokvatnet inn til hovudreinseanlegget.
– Lekkasjen blei oppdaga for nokre dagar sidan, og er no lokalisert, seier einingsleiar Agnete Haugland.
Bildeserie:
1 av 2
Tysdag kveld sendte kommunen ut varsel via teksmelding om bruk av reservevasskjelder i dag, onsdag 24. august, mens reparasjon pågår.
– Vi oppmodar deg difor til å begrense vassforbruket så mykje som mogeleg denne dagen, slik at vi unngår å gå tom, skriv kommunen i meldinga og på eiga heimeside.
Ny vasstank i St Hanshaugen er enno ikkje i drift, i dag er det tanken ved hovudreinseanlegget på Hetleflåten som saman med tank i Askvik, på Bjørnen og i Varåsen det blir tappa frå.
