Skal spela på Såto i år

Torsdag 7. juli er det konsert på Tysnessåta (753 moh) igjen.

Årets band på Såto er OnklP & De Fjerne Slektningene.

Dei skal også spela på hovudareanen Gjerstad fredag 8. juli.

– Knut Oscar Nymo og Åsmund Lande har faktisk vore på Tysnessåto før, i 2014, då med bandet Oslo Ess som aller første «Såteartist» fortel dagleg leiar i Tysnesfest, Øystein Vaage.

OnklP og slekta har brukt «coronadagane» godt, og har turnert både bak fengselsmurene og på klubbscener.

I tillegg har dei gjeve ut det kritikerroste albummet «Sorry for i går» i 2021.

Til no er følgande artistar lansert til Tysnesfest:

Torsdag: Plumbo, Hagle, Halva Priset, Soppgirobygget, Helene Olafsen, Staysman

Fredag: Bjørn Eidsvåg, Chris Holsten, CC Cowboys, OnklP og De Fjerne Slektningene

Laurdag: Erlend Ropstad, Ronan Keating, Synne Vo, Kjartan Lauritzen, TIX

Bermudateltet torsdag og fredag: Vinskvetten