Stoppa på Halhjem etter uhell på Sandvikvåg
Eldre kvinne risikerer førerkortbeslag.
Laurdag i 14-tida blei det meldt om vinglete køyring på Sandvikvåg ferjekai, der førar hadde eit lite samanstøyt med autovernet.
Ingen personar blei skadd. Førar var ei kvinne i 70-åra.
– Ho blei stoppa då ho kom av ferja på Halhjem. Det var synlege merke på bilen etter møtetmed autovernet på Stord, fortel politioverbetjent Christine Grindstein.
Etter samtale med bilførar var patrulej i tvil om helsekrava til å køyra bil var innfridd. For å unngå risiko for nye og meir alvorlege trafikkuhell fekk kvinna pålegg om å levera inn førarkortet.
– Dette blir kalla forebygging via forvalting. Årsaka er uaktsam køyring og tvil om helsekrav er innfridd.
– Alle har sjølvstending plikt til å vurdera om dei er skikka til å køyra motorvogn på eintrygg måte.
Forvaltningssaka er sendt førarkortkontoret i Vest politidistrikt for vurdering.
