Båt og sjøliv | 15. sep. 2021

Strandryddeveka: 270 deltakarar - men framleis ledige område

Frå laurdag 11. til søndag 19. september går frivillige, skuleklassar, barnehagar, bygdelag og organisasjonar saman om å rydde strandsona i Bjørnafjorden.

Strandryddeveka: 270 deltakarar - men framleis ledige område
Denne veka er det strandsonerydding i Bjørnafjorden. (Foto: ØH)
Ørjan Håland
Ørjan Hålandonsdag 15. sep. 2021 10:07

Strandryddeveka er i gang, frå laurdag 11. til søndag 19. september er fleire elevar og frivillige i gang med å rydda forskjellige strandsoner i Bjørnafjorden kommune.

Os Rotary Klubb og Fusa Lions Klubb er blandt dei som er med å organisera ryddinga, og dei har på førehand vore på tokt for å dela den 355 kilometer lange strandsona vår inn i sonar.

– Vi har ti skuleklassar som er påmeldt. Det utgjer omtrent 270 elevar, seier Øyvind Tøsdal frå Os Rotary Klubb.

– Men vi har dessverre ikkje folk i sving i alle sonene, så dei som vil kan kasta seg på no før helga. Lekvenvågen og Moldafjero er til dømes ledige område, så her er det berre å melda seg om du vil rydda, seier Tøsdal.

Strandryddeveka er ein del av Hold Noreg reint-aksjonen, som er ein ideell organisasjon som arbeider mot forsøpling.

Arrangørane hjelper til med å henta det som blir samla i sekkar.
Arrangørane hjelper til med å henta det som blir samla i sekkar.

Tydeleg rapport

Ifølgje rapporten som Os Rotary Klubb har laga, etter å ha vore på befaring i båt rundt om kring i Bjørnafjorden, så er det nokre ting som går igjen.

Plast, isopor og tau har hopa seg opp fleire stadar.

Men nokre stadar skil seg ut med tyngre avfall som båtvrak og rustne oljefat.

I Eidsvika sør og nord er det registrert mykje boss og mykje plast.

Frå ein tidlegare aksjon i Os-skjergarden.
Frå ein tidlegare aksjon i Os-skjergarden.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.