To feilparkeringar i helga
Ber eigarane flytta båtane.
Både fredag og måndag blei det oppdaga båtar som ligg på andre sin plass.
– Eg har leigd ut båtplassen min til ein som sa opp. Då ny båt skulle inn låg det ein der frå før, seier eigaren av ein båtplass i den store hamna ved Askvik Sjø og Fritid.
– Det viser seg at denne seglbåten har lagt der i minst ein månad, legg han til.
Eigar varsla politiet, som viste til at det er grunneigar si utfordring å løysa saka. I løpet av helga fann han ut kven eigar er.
– Vi har dialog, eg reknar med det løyser seg.
På privat kai i Os hamn
I tillegg ligg det ein framand båt mellom Oselvarverkstaden og eit privateigd naust nær Osbrua.
– Den har lagt her sidan søndag kveld eller natt til måndag, og eg har ikkje sett folk i eller ved båten.
– Eg har vore i dialog med eigar av nabonaustet, som heller ikkje kjenner til denne, seier dagleg leiar ved Oselvarverkstaden Vidar Langeland.
Båteigar blir oppfordra å fjerna båten snarast.
OPPDATERT: Båteigar meldte seg onsdag, og har blitt einig med eigar av privat naust om båtplassen.