Politi | 01. aug. 2022
To menn bomma på formen
Den eine blei vist vekk frå sentrum, den andre blei eskortert til legevakt.
Kjetil Vasby Bruarøymåndag 01. aug. 2022 07:57
Politiet fortel om ei ganske roleg helg i Os, men både natt til laurdag og natt til søndag blei det behov for å reagera.
I 00.30-tida natt til laurdag blei ein mann i 20-åra vist vekk frå Os sentrum grunna dårleg framferd, fortel politioverbetjent Anne Lyssand.
Han fekk pålegg om å halda seg vekke til klokka 08 laurdag morgon.
I 03.30-tida natt til søndag fekk patruljen kontakt med ein mann som framsto som «overstadig berusa».
– Ambulanse blei kontakta. Mannen, som er i 70-åra, var vanskeleg og kverulerande, så patruljen følgde ambulansen til legevakt.
– Etter legesjekk køyrde dei han heim, fortel Lyssand.
