Tredje dag på rad: Tok 10 nye fartssyndarar i 70-sona

Tysdag tok UP 16 fartssyndarar i 70-sona på E39, onsdag stoppa dei 10 nye.

Også torsdag hadde utrykningspolitiet kontroll i 70-sona, og på knappe to timar frå 13.40 til 15.30) blei det tosifra med forelegg (10) denne dagen òg.

Høgaste fart blei målt til 92 km/t, noko som resulterte i 9.100 kroner i forelegg og tre prikkar på førarkortet.

Tidlegare på dagen, frå klokka 07 til 07.45, hadde lokalt politi trafikkontroll på Halhjem ferjekai.

Dei sjekka dokument og promille, og fann ikkje noko å reagera på.