Os Fotball dame | 02. okt. 2022

Årets største siger i årets nest siste heimekamp

Seks målskårarar då Os knuste Stord.

Årets største siger i årets nest siste heimekamp
Vy Nguyen 1-0 og 4-0, Birgitte Røssland Håvik 2-0, Tina Skogedal 3-0, Lenea Hjelle Fløysand 5-0, Hanna Groth-Bugge 6-0 og Andrine Brunvatne Kvittingen 7-0. (Foto: Privat)
Kjetil Vasby Bruarøy
Kjetil Vasby Bruarøysøndag 02. okt. 2022 08:16

Os tok laurdag imot Stord på Kuventræ. Der sikra dei seg sin største siger til no for sesongen.

– Vi var ikkje gode nok i første omgang, då var det for lite aggressivitet og for dårleg kommunikasjon, men vi klarte heldigvis å skåra mål likevel, seier trenar Ørjan Sandal.

Han innrømmer at han ikkje var blid i pausen, trass 3-0-leiing.

– I andre omgang kom det seg, og jentene spelte mykje fin fotball, viste god energi og skåra endå fleire mål.

Alle 17 i troppen fekk speletid.

– Når du skiftar mykje, mister du gjerne litt av strukturen, men alle som spelte viste mykje positivt og jobba knallbra!

Nore Neset sitt A-lag og Nore Neset/Os J17. (Foto: Privat/Rune Klett)
Les ògOgså ei god fotballhelg for Nore Neset

Kaptein Andrine Kvittingen er tilbake frå skade og skåra, Leah Vedholm speler med gips etter skaden ho fekk då ho blei matchvinnar for tre veker sidan og Hanna Groth-Bugge skåra sitt første for seniorlaget.

– Taktene i kampen mot Stord loverbra for dei av jentene som neste helg speler semifinale, og kanskje også finale, i Adidas Cup med J17.

Seks av spelarane frå kampen i går er også på jenter 17-laget.

Os - Stord 7-0 (3-0)
Målskårarar: Vy Nguyen 1-0 og 4-0, Birgitte Røssland Håvik 2-0, Tina Skogedal 3-0, Lenea Hjelle Fløysand 5-0, Hanna Groth-Bugge 6-0 og Andrine Brunvatne Kvittingen 7-0.
Tropp og kampfakta på fotball.no

Os ligg på 10. plass av 12 lag etter 20. av 22 rundar, eitt poeng framfor Vidar og 11 poeng framfor Stord.

– For vår del har denne sesongen handla om å øva inn mot ein tøffare 3. divisjon neste år. Det handlar det om i dei neste kampane òg.

Os rykte som kjent opp til 2. divisjon i fjor, men i årets 2. divisjon er det grunna divisjonsomlegging berre dei fire beste i avdelinga som held seg. Detblei tidleg klart at det var eit for høgt mål for Os å sikta seg inn på.

Os møter Staal-Jørpeland på 8. plass borte i neste runde.

Serien blir avslutta heime mot serieleiar Fyllingsdalen søndag 16. oktober.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.