Bjørnafjorden kommune | 14. mars 2022

Fryktar at frivillige lag gløymer å søkja straumstøtte

Kommunen har «pengar til overs». Fristen går ut i morgon.

Mange har søkt, men ikkje alle. Her illustrert ved plating av ny hall på Nore Neset i januar. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 14. mars 2022 10:09

Tysdag 15.mars er søknadsfrist på straumstøtte til lagslivet.

– Til no er det 37 som har søkt om støtte på til saman 425.453 kilowatt timar, seier kultursjef Erik Vangsnes.

Kommunen har ein pott på 1 million kroner å dela ut.

Kultursjef Erik Vangsnes har støtte å dela ut til lagslivet. (Foto: Kjetil Vasby Bruarøy)
Les ògLokalt straumtilskot: Har 1 million til utdeling

Sånn det ser ut i dag, får kultursjefen ikkje bruk for heile potten.

– Om behovet ikkje er større er dette greitt, men vi ser av listene at mange lag med hus og anlegg framleis ikkje har søkt på ordninga.

Fristen går ut i morgon. Kultureininga tilbyr hjel, om det er nokon som har behov for det.

– Eg vil oppfordra alle lag om å nytta seg av ordninga, som er ei viktig hjelp til frivillig sektor for å dekka høge straumkostnader gjennom vinteren.

Sjølve søknadsordninga går gjennom Lotteri- og stiftelsestilsynet, men det er kommunane som skal står for utbetalinga.

– Mellom dei som har søkt så langt, finn vi både idrettslag, grendahus, bedehus, båtlag og kulturhistoriske lag.

Spennande? Vil du ha ukas høgdepunkt i innboksen?

Tilbod i november

Tilgang til alt innhald i 3 månadar for kun kr 300,-

Di støtte gir liv til lokalavisa vår.

  • Kun kr 300,- i 3 månadar
  • Tilgang til alt innhald
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.