Med håp om opphaldsvêr sankthansaftan

I dag startar Bjørnafjorden kulturfestival, først med internt treff mellom sponsorar og skulptørar i Solbakkestova.

I morgon går steinhoggarane i gang med arbeidet.

Kulturfestivalen inkluderer både steinhoggarsymposium, konsertar, danseframsyningar og sankthansfeiring med show og parade.

Delar av den komande veka ligg an til å bli våt, men både starten og slutten ser lettare ut.

Det er meldt lettskya, sol og svak vind måndag. Yr melder 20 gradar, Storm melder 13.

Begge melder noko nedbør tysdag, onsdag og torsdag, men Storm melder noko meir opphald mellom bygene enn Yr.

Torsdag ettermiddag, sankthansaftan, skal vêret letta, men ikkje før på kvelden.

Denne kvelden står Bjørnafjorden kulturfestival med følgjande innslag på programmet:

• Torsdag 23. juni kl 17.00: Show og parade med Absence Crew,
• Torsdag 23. juni: St.Hansfeiring m/grilling i Mobersvika og konsert med Oldtimers Big Band i Oseana

Sjå detaljert vêrmelding for Osøyro på VG Pent.

Fredag og laurdag skal bli lettskya og utan nedbør.

Kulturfestivalen melder om godt billettsal på fleire arrangement, minst éin av konsertane har passert 100 selte billettar, og den seinaste av danseframsyninga ligg an til å få veldig godt publikum.

– Det er noko fleire billettar igjen klokka 13 enn 18, seier Patricia Langeland.