Politi | 04. okt. 2021

Meldt for hatkrim etter rabiat episode i sentrum

Ein mørkhuda kollega frå Bergen var blant dei som fekk gjennomgå.

Meldt for hatkrim etter rabiat episode i sentrum
(Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymåndag 04. okt. 2021 08:54

Natt til måndag blei ein mann køyrd til arresten og meldt for vald mot to polititenestepersonar.

Vedkomande, som er ein mann i midten av 30-åra frå Os, blir meldt for fleire forhold.

– Vi fekk melding om ein mann som forstyrra offentleg ro og orden, og vedkomande blir skildra som «heilt rabiat», fortel politioverbetjent Anne Lyssand.

Politiet møtte mannen i Os sentrum klokka 00.39.

Kva som eventuelt har framprovosert sinnet, veit ho ikkje, men det blei heller ikkje enkelt for politiet verken å roa han ned eller å fjerna han frå Os sentrum.

– Han skal ha sparka minst ein av polititenestepersonane og gått laus på politibilen. Patruljen ba om støtte frå Bergen.

Mannen blir meldt for blant anna vald mot polititenestepersonane, trugslar og hatkriminalitet.

Ein av dei som kom frå Bergen for å hjelpa er mørk i huden, og mistenkte skal ha kome med rasistiske utrop.

– Både hatkrim og vald mot offentleg tenesteperson er ting som blir slått hardt ned på. Her er fleire alvorlege forhold, og mistenkte risikerer ein del straff, seier Lyssand.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.