Ny låt frå Martine

Hausten 2019 kom Martine Frotveit Johnsen med debutsingelen «Sideshow».

Sleppefesten gjekk i fullsett Baronessen (no Elvehuset).

I dag er Martine klar med nok ein låt, «Vulnerable».

Her kan du høyra eit utdrag av låten:

Også denne gong har ho jobba saman med Mats Cato Moldskred, som no er del av nye Pøsregn Studio i Bergen.

– Vi er i gang igjen, og det er fleire låtar på veg. Dei neste kjem på norsk, og eg kjem med minst éin låt til før Øyafest, lover Martine.

Les ògØyafest slepp dei fem nest siste

Moldskred driv Pøsregn saman med studiekameratane Andreas Siem og Anders Bibow.

Ei jente han gjekk på skule med, Thea Omholt, har skrive teksten til Martine sin nyaste låt.

– Eg har jobba litt med tekstskriving, men føler ikkje at eg er dyktig nok. Thea har vore heilt fantastisk. Vi har gode samtalar der eg fortel om innhald, og ho spør for å få alt på plass. Eg er veldig nøgd, og ønskjer å jobba vidare med Thea, og etterkvart kanskje bli flinkare til å skriva sjølv òg, seier Martine.