Stal bensin i stolen bil

Onsdag klokka 13.35 blei politiet oppring av ein tilsett ved 7 Eleven i Byvegen i Os sentrum.

Vedkomande fortalte at ein bilist som hadde fylt for cirka 1.700 kroner i bensin hadde køyrd frå staden utan å betala.

– Registreringsnummeret på bilen var synleg på overvakingsbilde. Då vi undersøkte kjenneteiknet, viste det seg at bilen er meldt stolen, fortel politioverbetjent Anne Lyssand.

Bilen er stolen frå ei adresse i Bergen. Overvakingsvideo viser at vedkomande fylte bensin klokka 11.59.

Det blei utført søk utan resultat.

– Vi ber vitne som har vore på staden, eller observert vedkomande andre stadar, om å melda seg.

Bilen er ein blå VW Passat.

Bilførar hadde på seg ein raud jakke med pels rundt hetta. Han var truleg åleine i bilen.