Turboklubb frå Os på Norge Rundt i kveld
«Oppdagelsesferd i mørket» til klebersteinsbrot og kolerakyrkjegard - i kliss vått vêr.
Tysdag kveld hadde Turboklubben i Lysefjorden besøk av NRK Norge Rundt.
Der blei programleiar Synnøve Sundby Fallmyr med følgje med ungane i klubben på ein mørk og våt tur langs Munkestien.
Dei besøkte klebersteinsbrotet, der munkane henta ut stein på 1100-talet, og kolerakyrkjegarden, der éin person blei gravlagt i 1849.
– Tåke, regn og mørke gjorde dette til ein knallgøy og spennande tur! Vi måtte gå under eit velta grantre for å finna fram! fortel André Marton Pedersen frå Turboklubben.
– Eg er imponert over alle ungane som er så nysgjerrige og tøffe, dei er ekte oppdagarar! legg han til.
Turen blir vist på Norge Rundt i kveld frå klokka 19.50.
Du kan også sjå episoden her (NRK.no).
I Lysefjorden har det vore Turboklubb i over sju år, på landsbasis nærmar det seg 60 og i Hordaland er det no 17 turboklubbar.
Os Turlag har også fått sin andre Turboklubb, som er i Ervikane. I Os har dei også DNT ung Intro, som er for dei frå 10 til 15 år gamle.
– Dette er enkelt og naturvenleg friluftsliv for unga, og ein fin meistringsarena for alle, seier Pedersen, spelt på kveldens sending.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.