Har du sjekka røykvarslarane i heimen?

Ifølge brannstatistikken har vi hatt 64 bygningsbrannar i Bjørnafjorden kommune dei siste fem åra.

Dei fleste branntilløpa skjer i einebustad på kveld og nattestid. Og røykvarslarar er avgjerande for at ein skal oppdage brannen tidleg, spesielt når ein ligg og søv på natta.

Bjørnafjorden brann og redning oppfordrar folk å bruke Røykvarslardagen imorgon til å skifta batteri og testa om varslaren fungerer.

– Alle kan bli betre til å tenka branntryggleik. Det viktigaste du kan gjere for branntryggleiken i heimen, er å sjekka at alle røykvarslarane i bustaden verkar som dei skal, seier Joakim Janssens, brannførebygger hos Bjørnafjorden brann og redning.

– Varslarane må kunne høyrast tydeleg på opphaldsrom og soverom, også når døra mellom romma er lukka.

Alle må ha minst éin røykvarslar i kvar etasje som dekker sone stue, kjøkken, utanfor soverom og teknisk rom.

Røykvarslarar bør testast jamnleg og kvar gong du har vore bortreist over lengre tid. Det klart beste er å ha seriekopla varslarar.

– Levande lys, peiskos, bruk av komfyren og meir bruk av elektrisk utstyr utgjer ein ekstra risiko i jula, særleg i kombinasjon med inntak av alkohol. Gjer det derfor til ein hugseregel å testa røykvarslarane og byte batteri på Røykvarslardagen 1. desember, seier Janssens.

Det er fleire forskjellige typar røykvarslarar. Nokre har ein «test»-knapp som ein kan trykka på for å sjekka om det kjem pipelyd. Andre har eit brannalarmanlegg som seier i frå automatisk viss ein må byte batteri.

Les ògÉin av tre veit ikkje om denne fungerer

Finn ut av kva for ein type du har heime, test røykvarslaren og byt batteri viss det er behov for det.

Røykvarslardagen er eit fleirårig samarbeid mellom Brannvernforeningen, Direktoratet for samfunnssikkerhet og beredskap, Det lokale eltilsyn, brannvesenet og Gjensidige.

På røykvarslerdagen.no finn du nyttig informasjon om tiltak som gjer branntryggleiken betre.