Tore Rydland Nielsen er gått bort

Ein idrettsfamilie og ein fotballkrets i sorg etter trenaren frå Os sin brå bortgang.

Tore Rydland Nielsen (t.v.), her då han leia Frøya mot Os 2 på Kuventræ i 2019. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 10. des. 2021 10:02

Tore Rydland Nielsen (56) døde måndag. Han fekk hjartestans mens han var på tur på Ulriken.

Fotballtrenaren frå Søfteland etterlet seg kona Gitte Torp og borna Mia (22) og Mats (19).

Familien og store delar av Hordaland fotballkrets er i sorg etter Tore sin brå bortgang.

Tore har trent fleire fotballag og ei lang rekke spelarar i over ti år, og til fleire opprykk, seinast i haust. Han var ein omgjengeleg og populær trenar blant mange spelarar, ikkje minst dei unge og talentfulle på veg inn i seniorfotballen.

Nielsen var assistent under Frank Hellevik då dei leia Os til 2. divisjon i 2009, og hadde Bjørn Mjelva med som assistent då han sjølv var hovudtrenar for Os i 2013.

Han har seinare vore spelarutviklar for Lysekloster, trent Bergen Nord til opprykk og vore hovudtrenar for Varegg og Gneist.

Med gullskrift

I november feira han opprykk til Norsk Tipping-ligaen med Frøya.

Far og son Nielsen kunne i helga feira opprykk med Frøya. (Foto: Privat)
Les ògMats og Tore møter Os og Lysekloster i 3. divisjon

Frøya il skriv dette i ei helsing på eigen Facebook-side:

Tore går ned i historien som en hedersmann i lokalfotballen i Hordaland, men ikke minst som en bærebjelke for Frøya-laget han sist trente. I Frøya ble han historisk ved to anledninger, Frøya nådde i 2019 cupens første runde for første gang. Andre bragd var opprykket til nasjonal serie, som ble sikret for 3 ukers tid siden. Navnet hans vil for alltid stå med gullskrift på Melkeplassen. Tore var en mann med menneskelige verdier langt over gjennomsnittet, og ikke minst en fotballklok trener, som nå er gått bort, så altfor tidlig. Vi lyser fred over ditt minne, og vi vil savne deg.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.