Fann død hjort i Ervikane

Brannvesenet vil rydda opp.

Hjorten ligg langt oppi fjøra innanfor gapahuken, ved stien til Sørstrøno. (Lesarbilde, foto: Elsa Forstrønen)
Kjetil Vasby Bruarøy
Kjetil Vasby Bruarøylørdag 05. juni 2021 12:02

Laurdag formiddag blei ein død hjort funnen i ei fjøre i friluftsområdet Ervikane på Strøno.

Skrotten ligg eit godt stykke oppe i fjøra innanfor gapahuken, nær stien til Sørstrøno.

Det hender at hjort på svømmetur mellom Tysnes, Austevoll og Os blit utmatta og døyr, gjerne om det er skodde, slik vi har hatt tidlegare i veka.

Bjørnafjorden brann og redning har ansvar for akutte forureiningssituasjonar, og er varsla.

– Det er ikkje alltid at ein død hjort utgjer fare for forureining, men når den ligg i eit mykje brukt friluftsområde som Ervikane, i ei varm og fin helg, bør vi nok prioritera å få denne vekk, seier varabrannsjef Erik Walden.

Brannvesenet kjem i løpet av dagen med båt for å taua skrotten ut på djupare vatn.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.