Sju kunstnarar stiller ut i tre dagar
– Eldstemann er kanskje den som har fornya seg mest.


Fredag opnar KiOS-samarbeidet utstilling i Vognhallen.
KiOs, som starta med utstillinga YriOs i 2010, består av Odd Olav Nøss, Randi Hjertaas, Rita Barstad, Jan Haaland, Ann-Lisbeth Negård, Rigmor Sletnes og Margunn Tveitnes.
– Odd Olav var med sidan start, Margunn Tveitnes kom også tidleg inn i samarbeidet, seier Randi Hjertaas.
Odd Olav Nøss, som fyller 83 i år, er eldstemann.
– Vi er fleire som stiller ut nye verk, og Nøss er kanskje den som har fornya seg mest. Han kjem med ein serie i ein heilt ny stil, fortel Hjertaas.

Utstillinga opnar etter lunsj fredag, men sjølve vernissasjen er tidleg på kvelden fredag.
– I snitt stiller kvar av oss med fire bilde til utstillinga, så det blir tett på veggane, fortel Randi.
Kulturelle innslag består av nokre vers framført av støntpoet Inge Hjertaas og musikk ved Olav Skorpen og Jan Haaland.
Utstillinga er open også laurdag og søndag.
Hamna i Hamnevegen
Samarbeidet starta i «Visningssenteret», der Abo i dag har kontor, flytta til Askviknes og tok namnet KiOS i 2013 og flytta vidare til Os Næringspark i 2017.
Så gjekk turen til Hamnevegen, i etasjen over Interiøren/Os Fargehandel, i 2018. Der held dei framleis til, og det var på heimebane, i januar 2020, dei sist hadde utstilling.
Sjå fleire tilbakeblikk i relaterte saker under.