Fest, slepp og verkstad på Nore Neset laurdag

Osfest 4. til 6. august:

Plateaktuelle Myrna Braza stiller med partybandet Oh Snap! i Symrasalen, kor Osfest køyrer vorspiel på Nore Neset laurdag.

Sjå bildeserie og video frå frivilligfesten på Nore Neset i romjula 2015.

– Dette er kanskje det einaste arrangementet i år der Osfest håper dei ikkje sel billettar?

– Ha, ha! Dei som melder seg som frivillig kjem gratis inn, det er heilt rett. Men dei som ikkje har tid eller lyst til å hjelpa til i år er like velkomne. Då er det berre til å kjøpa billett og bli med på festen, seier Tor Egil Hylland.

Kven skal spela kor tid? Få oversikt nedst i artikkelen.

Har ein base med 650

– Med 5000 selte billettar til nytt dagtidprogram på grusen, Marcus og Martinus, trengs det vel ekstra med frivillige?

– Ja, vi ser for oss 350 til 400 til saman under festivalen. I fjor hadde vi 310 i sving.

Osfest har ein base med 650 frivillige. Til årets festival har dei allereie over 110 som har meldt seg, og arrangørane ligg betre an enn i fjor på denne tida.

– Det som er kjekt er at vi har folk som meldte seg før 2014, men måtte melda avbod, som no er med. I løpet av dei første timane laurdag ettermiddag skal fleire få booka seg inn på vakt så dei veit kva rolle dei får og kor tid dei har fri.

– Er det enkelte som prøver seg som frivillig for å koma seg inn på den utselte konserten på dagtid?

– Vi har fleire som blei tatt på senga då grusbanen brått blei utselt, som ringer oss og seier dei kan jobba heile helga gratis om dei berre får billett til sin håpefulle. Men vi har ikkje andre billettar enn dei som ligg på Billettservice.

Slepp fleire namn til årets festival

Store delar av programmet på hovudscenen er klart, men det skal òg vera artistar på cruise og i VIP-telt.

Teltet har ope frå klokka 14 og køyrer livemusikk fram til klokka 18 fredag og laurdag. Også torsdag, som er ny festivaldag i år, kveld er det livemusikk i teltet, men då på kveldstid.

Fredag er det sponsorcruise, normalt med nokre ledige billettar for gemene hop, laurdag er det cruise klokka 14 og 16, og klokka 12, om Os kommune vil kjøpa til brukarar som tidlegare år.

Her er namna som er sleppt og rekkefølgja dei går på scenen:

FREDAG, HOVUDSCENEN
• Vamp
• Frode Alnæs
• Maya Vik
• Odd Nordstoga
• Suzanne Vega

LAURDAG, HOVUDSCENEN
• Donkeyboy
• Sigvard Dagsland
• Nik Kershaw
• TBA
• Mike and The Mechhanics

TORSDAG, VIP-TELT
• Heine Totland
• TBA (to be announced)
• TBA

Fredag og laurdag i VIP-teltet: TBA

FREDAG, CRUISE
• Frode Alnæs

LAURDAG, 3 x CRUISE: TBA

Midtsiden samleside: Osfest