MidtsidenCup er tilbake

Det er tid for å samla tropp til gatecup igjen.

Byggmester Aarvik var beste bedrift i 2019. Kan nokon slå dei i år? (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 17. okt. 2021 19:52

I 2002 fekk Os Fotball, i samarbeid med Midtsiden, liv i gatecupen igjen.

Med unntak av 2005 har det vore gatecup for amatørar og aktive etter serieslutt om hausten - kvart år fram til pandemien i 2020.

– Det blir godt å sjå mixen av amatørar, tidlegare fotballspelarar og aktive i sving på Kuventræ igjen, seier cupgeneral Torkel Hjertnes.

Årets cup blir spelt laurdag 20. november.

– 6. november er det Smalahovecup på Voss, 13. november har vi nøkkelpersonar på reise. Også 20. november kan bli ein vanskeleg dag for enkelte, viss Os 2 skal spela kvalifisering for å halda seg i 4. divisjon og Os sitt damelag kjem seg vidare i kvalifisering til opprykk til 2. divisjon, men vi håper dagen passar for mange.

Det er lagt opp til fire klassar:

  • Mixklasse
  • Bedriftsklasse
  • Herrar amatør
  • Herrar elite

– Vi droppar dameklasse i år. Det har vore ein kamp å få med nok damelag, no kan dei frå start førebu seg på å delta i ein mixklasse. Eller bedrift.

Mixklassen får éin ny regel, klassen blir meir mixa ved at laga må ha minst 3 damer på banen til ei kvar tid, mot 2 tidlegare.

Det blir ingen dameklasse i år, men regel om fleire damer på mixlaga. (Bilde frå 2018, foto: KVB)

– Bedriftsklassen gjorde comeback i 2019, med god respons og 7 påmeldte lag. Dessverre var det berre 3 mixlag, som var uvanleg få, så desse klassane blei slått saman. Det skjer ikkje i år, seier Hjertnes.

Herrar amatør får same reglar som før, på herrar elite kjem ei lita justering - her kan du ha maks 3 spelarar frå 3. divisjon og opp.

– Dei som speler på Os og Lysekloster sine A-lag får spreia seg utover andre elitelag, eller amatør og mix, om dei vil ha med aktive spelarar (noko som gir mål imot som handikap/straff).

– Men spelarar frå for eksempel gutelag, junior og frå 4. divisjon og ned, kan stilla i eliteklassen med lagkameratar og bryna seg på andre aktive i 7-arfotball

Påmelding

Stad: Kuventræ
Tid: Laurdag 20. november frå klokka 10 til 16*
* Cupen blir spelt ferdig på éin dag - men kan starta tidlegare om det blir mange lag påmeldt.

Aldersgrense: 16 år (fødd i 2005)
Pris: 2500 kroner per lag (inntil 15 spelarar/frå kr 167 per spelar)

Påmelding: Send namn på lag, klasse og namn og nummer til lagleiar på epost til marita@osfotball.no

Påmeldingsfrist: Søndag 14. november
Send gjerne inn namn på lag og ønskt klasse før den tid, men innan 10. november må vi ha betaling og liste over spelarar.
Betaling: Os Fotball konto 3633.59.99023 (merk med namn på lag).

Klassar og reglar

HERRAR AMATØR
• Alle som har spelt offisiell kamp (serie eller NM, på banen i 2 kampar eller meir*) i år tel som aktive, også veteran og gute-/juniorspelarar.
• Du kan ha med maks 2 aktive
• Du får mål imot for kvar aktiv du har med. (Kampen startar med 0-1 eller 0-2 om du har 1 eller 2 aktive med).

HERRAR ELITE
• Ta med så mange aktive du vil, men berre inntil 3 spelarar frå 3. div og opp.
• Ingen straffe eller baklengsmål, uansett mengde aktive.

MIX
• Alle som har spelt offisiell kamp (serie eller NM) i år tel som aktive, også veteran og gute-/juniorspelarar.
• Du kan ha med maks 2 aktive
• Du får mål imot for kvar aktiv du har med. (Kampen startar med 0-1 eller 0-2 om du har 1 eller 2 aktive med).
• Laget må til ei kvar tid ha minst 3 damer på banen.

BEDRIFT (HERRE/MIX)
• Alle spelarane må ha fått løn eller honorar frå bedrifta i 2019, eller vera gift/sambuar med ein tilsett i firmaet
• Det er valfritt å stilla med mixlag (herre/dame).
• Den tilsette kan IKKJE ta med andre familiemedlemmar (eigne born, nieser eller nevør f eks)
• Kommunetilsette som stiller lag må jobba ved same avdeling, ingen toppa lag med tilsette frå ulike skular eller liknande.
(Søk om disp til å ta med utanforståande om du manglar spelarar til å stilla lag)

ØVRIGE REGLAR, GJELD ALLE KLASSAR:
• 7 til 15 spelarar per lag. Uansett skade eller anna fråvær kan berre påmeldte spelarar stilla for kvart lag. Pass på at du har mange nok til sluttspel!
• 2 x 12 min. omgangar med sidebyte og kort pause
• Puljespel i innleiande rundar, 2-3 beste frå kvar pulje går vidare til sluttspel.
• Ved lik poengsum blir det først sett på målforskjell, så på innbyrdes oppgjer, evt mengde skåra mål eller myntkast.
• Alle sluttspelkampar inkludert finalar blir avgjorte på straffespark dersom det står likt ved full tid. Det er lov å byta keeper til ein evt. straffekonkurranse.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.